Унчченхи эрнере командăпа штаб вĕренĕвĕсем чăнах та районта та масштаблă иртрĕç.

Юлашки, виççĕмĕш тапхăрĕ, Раççей МЧС-ĕн республикăри Тĕп управленийĕн сотрудникĕсен пуренлĕ асăрхавĕпе пурнăçланнă. Вĕсем Вăрнарти звено çутçанталăк инкекĕсемпе кĕрешме хатĕррине хакланă.

Хальхинче инкек тĕсĕ – вăрманта тухнă, çынсем пурăнакан вырăнсене хăрушлăх кÿрекен пушар. Ăна сарăлма парас маррипе çыхăннă ĕçсене тĕрĕсленĕ те вĕренÿ вăхăтĕнче.

Тĕпрен илсен, вăрнарсен хатĕрленĕвĕ республика комиссийĕнчен лайăх хаклава тивĕçнĕ. Тиркевлĕ асăрхаттарусем пулман. Вăрман çумĕнчи условнăй пушара путлантарма 19 единица техника хутшăннă. Çав шутра – Вăрнарти вăрман хуçалăхĕн тата Пăртас ял поселенийĕн ирĕклĕ пушар хуралĕн машинисем те.

Вĕренÿсем майĕпе ытти çăлавпа пулăшу службисен хатĕрлĕхне те тишкернĕ.

Ирина ЯКОВЛЕВА.