Пĕчĕк тата вăтам предпринимательлĕх район экономикине хăйĕн пĕлтерĕшлĕ тÿпине хывать. Ку сферăра апрелĕн 1-мĕшĕ тĕлне 3788 çын (район экономикинче тимлекенсен пĕтĕм хисепĕн 38 проценчĕ) тăрăшнă. Пĕтĕмпе вара 760 субъекта регистрациленĕ: вĕсенчен 130 пĕчĕк, 1 вăтам предприяти, 1 фермер хуçалăхĕ тата 628 уйрăм предприниматель.

Апрелĕн 1-мĕшĕ тĕлне районта ваккăн суту-илÿ объекчĕсем 345 (пĕлтĕр – 342) ĕçленĕ, çав шутран Калинино райповĕн – 66 суту-илÿ вырăнĕ. Обществăлла апатлану предприятийĕсем 29 шутланнă, 14-шĕ – Калинино райповĕн. Йăла тивĕçтерĕвĕсен предприятийĕсем районта 55.

Пĕчĕк предпринимательлĕх субъекчĕсем шутне кĕмен организацисен ваккăн суту-илÿ çаврăнăшĕ кăçалхи январь–февраль уйăхĕсенче 115,3 млн тенкĕпе танлашнă. Çак ушкăнри обществăлла организацисен çаврăнăшĕ – 8,3 млн тенкĕ.

Пĕрремĕш кварталта районта потребительсен рынокĕн 2 объекчĕ ĕçлеме тытăннă: апат-çимĕç лавкки тата строительство таварĕсемпе сутă тăвакан лавкка. Çакăнпа пĕрлех çĕнĕ 9 ĕç вырăнĕ те уçăлнă.

Ирина ЯКОВЛЕВА.