ПОСЛЕДНИЕ КОММЕНТАРИИ

Успей подписаться! Идет подписка на районную газету "Путь победы". В почтовых отделениях стоимость подписки составляет 462 руб. 36 коп. В редакции газеты - 270 руб."

Вăрнар районĕ те хутшăнать

Категория: ПУБЛИКАЦИИ Опубликовано: 07.08.2019 16:21 Просмотров: 82

Раççей Правительствин йышăнăвĕпе килĕшÿллĕн социаллă демографи ыйтăвĕсемпе статистика сăнавне пурнăçлас тĕллевпе кăçалтан халăх сывлăхĕн тăрăмне палăртассипе кашни çулах суйлавлă федераллă статистика тĕпчевĕ пулать.

Пĕтĕм çĕршывĕпе унта адрессене ăнсăртран мелпе суйласа илнĕ 60 пин кил хуçалăхĕ хутшăнать. Пирĕн республикăра – 540, вăл шутран 297-шĕ – хулара, 243-шĕ ялсенче вырнаçнă.

Сăнав валли çак район-хуласене палăртнă: Шупашкар, Çĕнĕ Шупашкар, Канаш, Улатăр, Çĕмĕрле, Куславкка хулисем, Патăрьел, Вăрнар, Йĕпреç, Канаш, Комсомольски, Муркаш, Вăрмар, Шупашкар тата Етĕрне районĕсем.

Ыйтăма 15 çултан аслăрах çынсем хушшинче ирттереççĕ. Интервьюерсене ятарласа вĕрентнĕ, вĕсен çумра удостоверени пулмалла, вĕсем планшетлă компьютерсемпе усă курĕç.

Суйлавлă сăнав августăн 3-мĕшĕнче тытăннă, августăн 30-мĕшĕччен пырать. Ун вăхăтĕнче илнĕ информацие ниçта та пĕлтермеççĕ-сармаççĕ. Вăл пĕтĕмлетÿллĕ статистика даннăйĕсене йĕркелеме май парĕ. Вăл шутра – халăхăн пурнăç тăсăмне, сывă пурнăç йĕркине тытса пыракансен, физкультурăпа спорт тусĕсен пайне, чĕлĕм туртакансен, алкоголь ĕçекенсен, наркотиклă тата психотроплă япаласене тутанакансен йышне палăртма та.

Светлана ЧИКМЯКОВА.

Добавить комментарий

Яндекс.Новости

АРХИВ МАТЕРИАЛОВ

Август 2019
Пн Вт Ср Чт Пт Сб Вс
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

КАЛЕНДАРЬ ПРАЗДНИКОВ