ПОСЛЕДНИЕ КОММЕНТАРИИ

Правилăсене пăхăнма тивĕçлĕ

Категория: ПУБЛИКАЦИИ Опубликовано: 05.02.2020 08:27 Просмотров: 69

Çак кунсенче хаçат вулакансем (поселокра пурăнакансем) темиçен те редакцие пĕрешкел ыйтупа килчĕç. Вĕсемпе калаçнă май пăшăрханăвăн сăлтавĕ те паллă пулчĕ.

«Эпир нумай хваттерлĕ çуртсенче пурăнатпăр. Хăшĕ-пĕри çĕрулмие, пахчаçимĕçе коридорти ещĕксенче тытать. Пысăк лаптăк та йышăнмаççĕ ĕнтĕ вĕсем. Анчах халĕ ещĕксене пăсма, илсе пăрахма хушаççĕ. Çакăн çинчен пĕлтерсе пушар хуралĕн сотрудникĕсем асăрхаттару хучĕсем хăварнă. Мĕншĕн чăрмантараççĕ-ши вĕсем?» – терĕç редакци хăнисем.

Ку лару-тăрăва уçăмлатас тесе асăрхав тата профилактика ĕçĕ-хĕлĕн районти уйрăмĕн ĕçченĕсемпе çыхăнтăмăр.

– Пушар хăрушсăрлăхне тивĕçтерес тĕллевпе поселокри нумай хваттерлĕ çуртсенче тĕрĕслевсем иртнĕ. Çак вăхăтра хăрушсăрлăх йĕркине уяман, вут-çулăм инкекĕсем кăларма пултаракан тĕслĕхсене тупса палăртнă, вĕсене пĕтерме хушнă. Сăмахран, хваттер хуçисем коридорсене, пусма тăваткалĕсене ещĕксем, ытти япаласем вырнаçтарса чăрмав туни. Чăрмавĕ кăна мар, шăрпăк е сигарет тĕпĕ лекес-тĕк, вĕсенчен пушар тухас хăрушлăх та пысăк. Раççей Федерацийĕнчи пушара хирĕçле йĕркен Правилисен (вĕсене Раççей Правительствин йышăнăвĕпе çирĕплетнĕ) 23-мĕш пункчĕн «к» пайĕпе килĕшÿллĕн, пусма тăваткалĕсенче тата коридорсенче кладовойсем е ытти хушма пÿлĕмсем тума, çавăн пекех пусма сыпăкĕсем айĕнче тата площадкăсенче япаласем, сĕтел-пукан, çунакан материалсем упрама юрамасть.

Унсăр пуçне Правилăсен 36-мĕш пункчĕн «б» пайĕнче те «эвакуаци çулĕсене, тухмалли вырăнсене (çав шутра коридорсемпе тамбурсене, галерейăсене, лифт холĕсене, пусма тăваткалĕсене, алăкĕсене, эвакуаци люкĕсене) тĕрлĕрен материалсемпе, изделисемпе тата оборудованипе, производство юлашкийĕсемпе, çÿп-çаппа е ытти япаласемпе тултарса хуплама, эвакуаци çулĕсен алăкĕсене картласа хума юрамасть» тенĕ.

Пушар хăрушсăрлăхĕн йĕркин правилисене пăхăнманнисене РФ КоАП-ĕн 20.4-мĕш статйин 1-мĕш пайĕпе явап тыттарма та пăхнă. Штрафăн чи пĕчĕк виçи – 2 пин тенкĕ, – ăнлантарчĕç асăрхав тата профилактика ĕçĕ-хĕлĕн районти уйрăмĕнчен.

Добавить комментарий

Яндекс.Новости

АРХИВ МАТЕРИАЛОВ

Апрель 2020
Пн Вт Ср Чт Пт Сб Вс
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

КАЛЕНДАРЬ ПРАЗДНИКОВ