«2023 çула тата 2024 - 2025 çулсене планланă республика бюджечĕ çинчен» саккун проектне уçă итлевсем хыççăн пĕрремĕш вулавра йышăннă. Ун тĕп параметрĕсемпе Чăваш ен Министрсен Кабинечĕн Председателĕн пĕрремĕш заместителĕ - финанс министрĕ Михаил Ноздряков паллаштарнă.

Çитес çул республика бюджетне 80,2 млрд тенкĕ тупăш кĕрессе шанаççĕ. Ку цифрăсем кăçал валли палăртнă пĕрремĕшле планран 13,2 млрд тенкĕ ?19,7:% тата тÿрлетнĕ планран 755,5 млн тенкĕ ?1:% пысăкрах.

Прогнозсем тăрăх, республикăн харпăр хăй тупăшĕ 42,1 млрд тенкĕпе танлашмалла. Федераллă бюджетран уйăракан тавăрса памалла мар поступленисем вара республикăна 38,0 млрд тенкĕ тивĕçмелле.

Бюджетăн тăкаксен пайне илес-тĕк, пĕрремĕш вице-премьер çирĕплетнĕ тăрăх, вĕсем 83 млрд тенкĕ пулмалла. Сăмахран, саккун проекчĕн тÿрлетнĕ редакцийĕнче хушма укçа-тенкĕ кĕртсе хăварнă. Планра - ку укçа-тенке нумай ачаллă çемьесене тата тăлăх ачасене çурт-йĕрпе тивĕçтерме, регионти çулсене тĕпрен юсама тата пăхса тăма, Улатăр хулинчи котельнăйсене модернизацилеме, вĕрентĕвĕн шкул системисене çĕнетме тата ытти тĕллевпе ĕçе ярасси.

Социаллă-культура сферине каякан тăкаксем бюджетра пысăк пай йышăнĕç - 62,8: ?пĕтĕмпе 52,1 млрд тенкĕ%.

Республикăн адреслă инвестици программине пурнăçа кĕртме 2023 çулта бюджет ассигнованийĕсене 9,4 млрд тенкĕ чухлĕ яма пăхнă. Çакă 113 объектăн строительствине ?реконструкцине% тата 27 объекта проектлассине тивĕçтерме май парĕ.

Вырăнти бюджетсене уйăракан трансфертсен виçине 23,6 млрд тенкĕ тесе кăтартнă. Муниципалитетсем хăй тĕллĕн пайлакан финанс пулăшăвĕ çитес çул 2,1 млрд тенкĕ пулмалла.