Сентябрĕн 1-мĕшĕ тĕлне районти мĕнпур категориллĕ хуçалăхсенче мăйракаллă шултра выльăх 17441 пуçпа танлашнă, вăл шутра 7677 ĕне.

Сакăр уйăхра выльăх кĕтĕвĕ 698 пуç ÿснĕ, ĕнесем 110 хушăннă. Ку енĕпе уйрăмах «Мураты», «Победа», «Юнтапа», «Знамя», К.Маркс ячĕллĕ хуçалăхсенче тата Вăрнарти аш-какай комбинатĕнче ăнăçлă ĕçленĕ. Çак тапхăрта пĕтĕмĕшле 2283 пăру илнĕ. Сĕт производстви 27352 тоннăпа танлашнă, вăл шутран 10826 тонни ял хуçалăх предприятийĕсен, ытти халăхăн. Пĕтĕмĕшле районĕпе пĕр ĕнерен 3768 кг сĕт суса илнĕ.

Сыснасен пĕтĕмĕшле хисепĕ 15372 пуç. Сакăр уйăхра 15050 сысна çури илнĕ.