Вăрнарти ял хуçалăх техникумĕн общежитийĕнче йĕркеленнĕ «Вместе ВОТ!» волонтер ушкăнĕ «Эпир аякра тăрасшăн мар, эпир çĕр çинчи йĕркелĕхшĕн» девизпа чыслăн ĕçлесе пыраççĕ.

Вĕсен ĕçĕ, тĕпрен илсен, поселок территорине çÿп-çапран тасатассипе çыхăннă. Ертÿçисем – Людмила Венедиктовна Корнилова тата Вероника Валентиновна Дмитриева ертсе пынипе волонтерсем нумаях пулмасть «Мила-3» лавккаран тата районти тĕп библиотекăран тытăнса техникум общежитийĕ таран урамсене, Асăну аллейине çÿп-çапран тасатнă. Çавăн пекех юлташлăх масарне тирпейлĕх кĕртнĕ.

Техникум волонтерĕсем çавăн пекех çынсем хушшинче ыйтăм ирттернĕ. Поселокри экологи лару-тăрăвне нумайăшĕ япăхпа хакланă. Çамрăксем «Подслушано Вурнары» интернет-ушкăнра та ку енĕпе онлайн-ыйтăм уçнă.