Пуçарăва – анлă çул

Категория: ПУБЛИКАЦИИ Опубликовано: 16.01.2019, 14:37 Просмотров: 302

Çÿп-çап пухас, ăна ятарлă вырăнсене илсе тухас тĕлĕшпе çĕршывра çĕнĕ пуçару вăй илчĕ. Яллă вырăнсенче ăпăр-тапăра пухма ятарласа контейнерсем туянаççĕ, çÿп-çап пухмалли вырăнсем тăваççĕ. Ку енĕпе Мăн Явăш ял тăрăхĕнче лару-тăру еплерех?

Тасалăхпа тирпейлĕхшĕн кĕрешесси – пĕтĕм ял-йыш тивĕçĕ. Вăл çÿлти органсем хушнипе пуçарнă кампанилле ĕç мар, куллен пĕтĕм халăхпа килĕштерсе тумалли ĕç, сывлăхшăн, тасалăхшăн, пушара хирĕç кĕрешмелли тивĕç. Вăл – «Пухар çÿп-çапа халăхпа пĕрле» чĕнÿ те, Чăваш енре ăпăр-тапăра пухмалли пуçару тĕллевĕ те.

Ял сăн-сăпатне çĕнетес, тавралăха тирпей-илем кĕртес, йывăçсем лартса эрозие хирĕç кĕрешес енĕпе мăн-явăшсем ĕçлемеççĕ теме çук. Ял старости Иван Александрович Федоров акă мĕн каласа пачĕ.

– Иртнĕ çулта Мăн Явăшри Севернăй урама чул сарса юсарăмăр, Ашмаров ячĕллĕ урамри пĕвене юшкăнран, ăпăр-тапăртан тасатрăмăр, ун урлă каçса çÿреме çул турăмăр, урамсене пиншер тĕп йывăç лартса хăвартăмăр. Ку пирĕн пуçламăш ĕçсем кăна-ха. Хамăр тăрăшмасан ĕç-пуçăмăр юсанас çук, çÿп-çап лавне хамăрăнах туртма тивет, никам та пире аякран килсе пулăшмĕ, йĕрке туса памĕ. Пурнăç уттинчен кая юлас марччĕ, – палăртрĕ хăй умĕнчи тивĕçе ял старости.

Шанас килет: çĕнĕ пуçарăва Явăш тăрăхĕнче те анлă сарса ярĕç, çÿп-çап пухас ĕçе вăйлатĕç.

Владимир МОСКВИН.

Добавить комментарий

АРХИВ МАТЕРИАЛОВ

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ

Яндекс.Метрика