Çулăм серепинчен тухайман

Категория: ПУБЛИКАЦИИ Опубликовано: 16.01.2019, 14:37 Просмотров: 263

Хаçатăн иртнĕ номерĕнче кăна-ха çулталăкăн пĕрремĕш кунĕнчех пушара пула Вăрнарта 52-ри арçын вилнине пĕлтернĕччĕ. Иртнĕ эрне вĕçĕнче каллех хурлăхлă хыпар çитрĕ. Шăматкун Чăрăш Ишекре тепĕр синкер хушăннă. Вут-çулăмра 87-ри ватăн пурнăçĕ сарăмсăр татăлнă.

Раççей МЧС-ĕн республикăри тĕп управленийĕн информацийĕ тăрăх, пушар шăматкун ирхине 3 сехет çитиччен алхасма тытăннă. Çулăм хăвăрт сарăлса йывăç çуртран кĕл купипе ишĕлчĕксем кăна хăварнă. Анчах чи хăрушши – инкек вырăнĕнче кил хуçи хĕрарăмĕн виллине тупнă. Килте вăл ывăлĕпе пурăнни паллă. Чирлĕ кинеми çулăм серепинчен тухайман.

Пушар сăлтавне уçăмлатассипе ятарлă службăсем ĕçлеççĕ. Электропроводка юсавсăрлăхĕпе çыхăнни – малтанхи тĕп верси шутĕнче.

Куратпăр, пушар хăрушсăрлăхĕ тĕлĕшпе лару-тăру кăткăс. Районта çулталăк пуçламăшĕнчех – харăсах темиçе инкек. Республикăра та пĕтĕмĕшле илсен тунтикун тĕлне 33 хутчен пушар тухнă. Вĕсенче 2 млн тенке яхăн пурлăх çуннă. Икĕ çын вилнĕ, иккĕшĕ те пирĕн районтан. Çакă чăннипех асăрханулăха тимлĕх уйăрмаллине кăтартакан çивĕч сăлтав. Çулăмпа кил-хуçалăхра усă куратăр-и, пÿлĕмсене кăмакасемпе хутса ăшăтатăр-и, газ е электроприборсене ĕçлеттеретĕр-и – хăрушсăрлăх правилисем тĕп вырăнта пулмалла.

И.ПЕТРОВА.

Добавить комментарий

АРХИВ МАТЕРИАЛОВ

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ

Яндекс.Метрика