ПОСЛЕДНИЕ КОММЕНТАРИИ

Успей подписаться! До 1 апреля действует льготная подписка на районную газету "Путь победы". В почтовых отделениях стоимость подписки составляет 462 руб. 36 коп. В редакции газеты - 270 руб."

Пĕрле ĕçлемеллине палăртнă

Категория: ПУБЛИКАЦИИ Опубликовано: 06.02.2019 15:20 Просмотров: 44

Иртнĕ эрнере районта Чăваш Республикинчи федераллă тĕп инспектор Геннадий Федоров ĕçлĕ визитпа пулнă.

Калинино ял поселенийĕнче вăл йăлари хытă каяшсене илсе тухассипе пурнăçлакан ĕçпе паллашнă.

Ĕçлĕ тĕлпулăва Роспотребнадзорăн тата Росприроднадзорăн республикăри управленийĕсен, çутçанталăка сыхлассипе тимлекен Шупашкарти прокуратурăн, «МВК «Экоцентр» обществон, район администрацийĕн представителĕсем те хутшăннă.

Коммуналлă хытă каяшсене илсе тухмалли çĕнĕ йĕрке вăя кĕнĕ май поселенире те йĕркелÿ ĕçĕ иртнĕ. Ку тăрăхра пурăнакансене çĕнĕ йĕркене ăнлантарнă. Ялсенче контейнер площадкисем вырнаçтармалли схема туса хатĕрленĕ. Паянхи куна 14 контейнер площадки хатĕр. Çÿп-çаппа каяшсене поселени территорийĕнчен пухса илсе тухакан «Экоцентр» обществăпа та ĕçлĕ çыхăнура.

Ял поселенийĕн пуçлăхĕ Л.Иванова тарифсене çĕнĕрен пăхса тухас ыйтăва та хускатнă. Вăл палăртнă тăрăх, ялти уйрăм хуçалăхсенче хытă каяшсен калăпăшĕ хуларисенчен самай пĕчĕкрех.

Район администрацийĕн пуçлăхĕ Л.Николаев пĕлтернĕ тăрăх, ялсенче контейнер площадкисене вырнаçтарас ыйту кăçал пĕтĕмпех татăлмалла. Коммуналлă каяшсене пухас ĕçе çирĕп йĕркелемелле.

Федераллă тĕп инспектор çÿп-çап ыйтăвне пĕрле татса памаллине палăртнă. Çĕнĕ тытăм тавралăхра йĕрке тума, çĕршыври экологи лару-тăрăвне лайăхлатма пулăшнине халăх ăнланни кирлĕ.

Пĕлтерĕшлĕ тепĕр тĕлпулу районти тĕп больницăра иртнĕ. Кунта сăмах демографи, медицина учрежденийĕсене тухтăрсемпе тата ытти ĕçченсемпе тивĕçтерес, медицина пулăшăвĕн пахалăхĕн, диспансеризаци ыйтăвĕсем пирки пынă. Федераллă тĕп инспектор районта эмелсемпе çăмăллăхлă мелпе тивĕçтернипе те кăсăкланнă.

Добавить комментарий

Яндекс.Новости

АРХИВ МАТЕРИАЛОВ

Март 2019
Пн Вт Ср Чт Пт Сб Вс
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ