Чăваш Республикин «Чăваш Республикинче административлă право йĕркине пăсни çинчен» саккунăн виççĕмĕш сыпăкне 10.3-мĕш «Пурăнмалли мар çуртсене, строенисемпе сооруженисене пăхса тăрассипе çыхăннă йĕркене пăсни» статья хушăннă. Унпа килĕшÿллĕн, пурăнмалли мар çуртсен, строенисемпе сооруженисен харпăрлăхçисем тăрăсем, карниссем, водосток, витĕсем çинчен юрпа пăра, тумла пăрĕсене тасатассипе тивĕçе пурнăçламаншăн административлă явап кĕртнĕ. Ку ĕçсене пурнăçламаншăн граждансене 2–3 пин тенкĕ, должноçри çынсене 5–10 пин тенкĕ, юридици сăпачĕсене 10–30 пин тенкĕ штраф хума пултараççĕ.

А.СОРОКИН,

Вăрнар район прокурорĕн помощникĕ.