ПОСЛЕДНИЕ КОММЕНТАРИИ

Успей подписаться! Идет подписка на районную газету "Путь победы". В почтовых отделениях стоимость подписки составляет 462 руб. 36 коп. В редакции газеты - 270 руб."

Çурхи ĕç хакĕ кĕркунне курăнĕ

Категория: ПУБЛИКАЦИИ Опубликовано: 15.05.2019 15:00 Просмотров: 96

Çĕр ĕçченĕсем уяр кунсемпе туллин усă кураççĕ, кĕрхи пÿлмесем пуян пулччăр тесе тăрăшаççĕ.

Район администрацийĕн ял хуçалăхĕпе экологи пайĕнчен пĕлтернĕ тăрăх, çу уйăхĕн 14-мĕшĕ тĕлне тĕш тырăпа пăрçа йышши культурăсене 15075 гектар акнă е плана 94 процент пурнăçланă.

Кукурузăна виçĕ хуçалăхра – Вăрнарти аш-какай комбинатĕнче, «Янгорчино», «Мураты» кооперативсенче – акнă. Пĕрлехи ĕç кăтартăвĕ – 1132 гектар, çав шутра пин гектарĕ – аш-какай комбиначĕн.

Районĕпе илсен, пăрçа 202 гектар акнă. Çак культурăна çитĕнтерессипе уйрăмах «Луч», Карл Маркс ячĕллĕ, «Янгорчино» кооперативсенче, Алексей Игнатьев фермер хуçалăхĕнче тăрăшаççĕ.

Хĕл хырăмĕ пысăк. Аграрисем пĕр çул тата нумай çул ÿсекен курăксене 649 тата 412 гектар акнă.

Юлашки çулсенче «иккĕмĕш çăкăра» тупăшлă вырнаçтарма йывăртарах. Çапах та хăшпĕр ял хуçалăх организацийĕсем ыррине шанаççĕ, çĕрулми лартаççĕ. Çак вăхăт тĕлне 6 хуçалăхăн уй-хирĕнче хĕрÿ ĕç шавĕ тăрать. «Мураты» кооперативра пуринчен ытла çĕрулми лартнă. Ĕç кăтартăвĕ – 65 гектар.

– Çăкăртан асли çук теççĕ. Çĕрулми те хисепре пултăрччĕ. Ахальтен мар ăна «иккĕмĕш çăкăрпа» танлаштараççĕ, – çирĕплетрĕ Уйкас Явăшри çамрăк механизатор Юрий Васильев. Вăл аслă ĕçтешĕнчен Сергей Митрофановран тĕслĕх илсе хăйĕн тивĕçне тÿрĕ кăмăлпа пурнăçлать.

Елена ПОРФИРЬЕВА.

Добавить комментарий

Яндекс.Новости

АРХИВ МАТЕРИАЛОВ

Июль 2019
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

КАЛЕНДАРЬ ПРАЗДНИКОВ