ПОСЛЕДНИЕ КОММЕНТАРИИ

Успей подписаться! Идет подписка на районную газету "Путь победы". В почтовых отделениях стоимость подписки составляет 462 руб. 36 коп. В редакции газеты - 270 руб."

Çитĕнÿ хыççăн çитĕнÿ

Категория: ПУБЛИКАЦИИ Опубликовано: 18.05.2019 11:51 Просмотров: 126

Мăн Турхан хĕрĕн Надежда Краснован спорт енчĕкĕ хулăнлансах пырать – тинтерех кăна вăл Раççей первенствинчен çитĕнÿпе таврăннă.

Ирĕклĕ майпа кĕрешессинче пирĕн ентеш сакăр çул ытла. Ачасемпе çамрăксен спорт шкулĕн Санарпуçĕнчи филиалне тантăшĕ-юлташĕсемпе пĕрле килнĕ вăл. Чăваш Республикин тава тивĕçлĕ тренерĕ Виталий Петрович Трофимов ертсе-вĕрентсе пынине тимлĕн ăса хывнă. Çирĕп дисциплина тата малалла туртăнас тени хăвăртах результатсене «çырăннă». Надя – нумай хутчен республика тата Атăл тăрăхĕн округĕн çĕнтерÿçи, Раççей призерĕ.

Хальхинче те вăл, Мускав облаçĕнчи Раменск хулинче студентсем хушшинче иртнĕ пысăк шайри ăмăртура, лайăх тытăçупа палăрнă – кĕмĕл медаль çĕнсе илнĕ.

Мăн Турхан хĕрĕ 8-мĕш класран Çĕнĕ Шупашкарти Олимп резервисен училищинче ăсталăха туптарĕ. Халĕ вăл Мускаври пĕр аслă шкулта вĕренет.

Турнир хыççăн Надя Вăрнарта пулчĕ, çавна май тренерсем, тăванĕсем ăна куçа-куçăн саламларĕç.

Сăмах май, нумаях пулмасть Надя Краснова Испанире иртнĕ Пĕтĕм тĕнчери турнирта «ылтăн» çĕнсе илнĕччĕ.

Добавить комментарий

Яндекс.Новости

АРХИВ МАТЕРИАЛОВ

Август 2019
Пн Вт Ср Чт Пт Сб Вс
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

КАЛЕНДАРЬ ПРАЗДНИКОВ