Эрнекун, июнĕн 7-мĕшĕнче, «Шупашкар-Арена» Пăр керменĕнче Чăваш Республикинчи обществăлла канашсен форумĕ пулать.

Программа тăрăх форумра икĕ секци ĕçлĕ: «Чăваш Республикинчи обществăлла контроль» тата «Территори аталанăвĕ». Вĕсенче республика халăхĕ умĕнче тăракан çивĕч ыйтусене сÿтсе явĕç.

Çавăн пекех форум вăхăтĕнче обществăлла мониторингпа, итлевпе, асăрхавпа çыхăннă ыйтусене те пăхса тухĕç. Социаллă, экономика, культура, информаци, туризм, хăтлă хутлăх тата этем ресурсĕсен енĕпе район портречĕсене сăнлĕç, проблемисене, аталанма пулăшу мелĕсене пăхса тухĕç.

Форум ĕçĕн пĕтĕмлетĕвĕсем тăрăх резолюци хатĕрлĕç.