Нумаях пулмасть Вăрнар район сучĕ Канашри 23-ри хĕр тĕлĕшпе пуçарнă уголовлă ĕçе пăхса тухнă. Патшалăх айăплавне Вăрнар район прокуратури йĕркелесе пынă.

Суд тенкелĕ çине Канаш хĕрĕ Вăрнарта вăрласа-çаратса çÿренĕшĕн ларнă. Кăçалхи февралĕн 3-мĕшĕнче, акă, вăл поселокри Б. килĕнче пулнă. Ÿсĕрскер сĕтел çинчи кĕсье телефонне курнă та хуçи сисиччен йăкăртма ĕлкĕрнĕ. Телефонĕн хакĕ 7 пин ытла тенкĕ – тăкакĕ пĕчĕк мар.

Çак хĕрех февралĕн 8-мĕшĕнче Б.-не тепĕр телефон вăрланă. Ун чухне те ÿсĕр пулнă вăл. Ку хутĕнче вырăн çинчен 9 пин ытла тенкĕлĕх телефона çаклатса тухнă. Икĕ тĕслĕхĕпе те хăйĕн айăпне туллинех йышăннă вăл. Вăрнар район сучĕ ăна çулталăк çурăлăха условнăй майпа ирĕкрен хăтарнă. Тĕрĕслев вăхăчĕ – пĕр çул.

А.СОРОКИН,

Вăрнар район прокурорĕн помощникĕ.