ПОСЛЕДНИЕ КОММЕНТАРИИ

Успей подписаться! Идет подписка на районную газету "Путь победы". В почтовых отделениях стоимость подписки составляет 462 руб. 36 коп. В редакции газеты - 270 руб."

Умра – курăмлă тĕллевсем

Категория: ПУБЛИКАЦИИ Опубликовано: 31.08.2019 16:52 Просмотров: 61

Чăваш ен 2024 çулччен федерацин «Экологи» наци проекчĕпе тачă çыхăнса тăракан «Атăла сыватасси» регион проектне те пурнăçлать. Проект тĕллевĕ – палăртнă ĕçсене туса, çав шутра Атăла юхакан пĕтĕм таса мар шыва 2024 çул вĕçлениччен виçĕ хут сахаллатса унăн экологи пахалăхне лайăхлатасси.

Регион проектне ĕçе кĕртсе тасату сооруженийĕсен 13 комплексне тăвĕç тата реконструкцилĕç (модернизацилĕç). Вĕсене хута ярсан Атăл сахалрах вараланĕ, ĕç вырăнтан тапрансан тасату сооруженийĕсене инвестици хывĕç. Хулапа поселок, ял территорийĕсенче пухăнакан çумăрпа юр шывне лайăхрах тата нумайрах тасатма пуçласан çынсене кÿрекен коммуналлă пулăшу ĕçĕсен пахалăхĕ ÿсĕ, тасату хатĕрĕсене ытларах шанма тытăнĕç, калăплă ĕçсем çынсен пурнăç тата хăтлăх шайне хăпартĕç.

2019–2020 çулсенче Чăваш енре инвестицин 640 млн тенкĕлĕх икĕ проектне пурнăçлама палăртнă. Пĕрремĕшĕ Шупашкар хулин тĕп пайĕнче пухăнакан çумăрпа юр шывне тасатмалли сооруженисем тăвассипе çыхăннă.

Иккĕмĕш проекта пурнăçласа Вăрнар поселокĕнче пурăнмалли çуртсенчен, хуçалăхпа производство объекчĕсенчен юхтарса кăларакан хура шыва пăрăхсемпе коллектора пухса тасатĕç. Тасату сооруженийĕн талăкри хăвачĕ 1800 кубла метрпа танлашать.

– Ăна 2020 çулта хута яма палăртнă, – пĕлтерет Вăрнар район администрацийĕн строительство пайĕн заведующийĕн çумĕ Владимир Леонтьев. – Паянхи кун тĕлне подрядçă икĕ урамри канализаци пăрăхĕсене тăсма автоçулсен айĕпе хăвăл тăвать тата тасату сооруженийĕн никĕсне яма хатĕрленет. Подряд организацийĕ Çĕрпÿ хулинчен. Ĕçе нумай техникăпа специалиста явăçтарать.

Ку проект – тасатмалли вараланчăк шыва сахаллатассишĕн пурнăçлакан мероприятисен шутĕнче. Ăна ĕçе кĕртме пĕтĕмпе 406,643 млн, çав шутра федерацин хыснинчен 402,577 млн тенкĕ куçараççĕ. Кăçал – 227,333 млн, 2020 çулта 175,244 млн тенкĕ тăкаклама пăхнă.

Вăрнарти кивĕ коллектора тунăранпа 60 çула яхăн. «Унăн хăвачĕ иксĕлнĕ, ăна техника майĕпе модернизацилемеллех», – ыйтаççĕ поселок çыннисем. Çĕнĕ коллектор поселокра пурăнакансен, аш-какай комбиначĕн, хутăш препаратсен завочĕн, ытти предприяти-организацин кулленхи ыйтăвне тивĕçтерĕ.

Коллектора ĕçе кĕртсен пурăнмалли çурт-йĕртен, производство объекчĕсенчен тухакан таса мар шыва çĕр айĕпе юхтарса пухмалли проект туса хатĕрлĕç. Поселокра паянхи кунччен те централизациленĕ канализаци çук.    

Коллектора пуçтарăнакан хура шыва нормативпа килĕшÿллĕн тасатса Кĕçĕн Çавал юханшывĕн юппине – Упнере – кăларса ярĕç. Унтан Атăла юхса тухĕ.

«Атăла сыватасси» регион проектне пурнăçласа çавăн пекех тĕп хулара пухăнакан çумăрпа юр шывне тасатакан сооруженийĕсем 2020–2022 çулсенче Шупашкарти «Волжский-1» тата «Волжский-2», 2023 çулта «Грязевская стрелка», «Çĕнĕ хула» микрорайонсенче, Президент бульварĕнче, Якимов урамĕн таврашĕнче, 2024 çулта Сĕнтĕрвăрри шоссинче тума планланă. Çак объектсем те Атăла юхакан çумăрпа юр шывне тасатса кăларĕç.

Добавить комментарий

Яндекс.Новости

АРХИВ МАТЕРИАЛОВ

Ноябрь 2019
Пн Вт Ср Чт Пт Сб Вс
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

КАЛЕНДАРЬ ПРАЗДНИКОВ