ПОСЛЕДНИЕ КОММЕНТАРИИ

Çутçанталăк парни

Категория: ПУБЛИКАЦИИ Опубликовано: 11.09.2019 09:27 Просмотров: 150

Вăрман çын пурнăçĕнче пысăк вырăн йышăнать. Вăл – пурлăх çăлкуçĕ çеç мар, халăх йăлисемпе культурине йĕркелекен хутлăх та.

Сентябрĕн виççĕмĕш вырсарникунĕнче вăрман службинче тимлекенсем хăйсен профессилле уявне – Вăрман ĕçченĕн кунне – паллă тăваççĕ. Ун умĕн Чăвашстат специалисчĕсем республикăри вăрман ресурсĕсем тĕлĕшпе кĕске информаци хатĕрленĕ.

Чăваш ен Çутçанталăк ресурсĕсен министерствин даннăйĕсемпе, 2019 çулхи январĕн 1-мĕшĕ тĕлне вăрман фончĕн лаптăкĕ 596,5 пин гектарпа танлашнă. Вăрмансем регион территорийĕн пĕрре виççĕмĕш пайне йышăнаççĕ. Ытларах – çулçăллă йывăçсем: 386,8 пин га. Лăсăллă вăрмансем – 167,4 пин га. Йывăçăн пĕтĕмĕшле запасĕ 83,9 млн кубла метрпа танлашать.

Вăрмансене сыхласа хăварас тĕллевпе пĕлтĕр 597 га çинче йывăç-тĕм чĕртес ĕç пурнăçланă. Сиенлĕ организмсенчен хÿтĕлесе 3,4 пин га çинче профилактика мероприятийĕсем ирттернĕ, 1,4 пин га çинче санитарипе сиплев ĕçĕсем. Питомниксенче 5 га вăрман ÿсен-тăранĕсене акнă.

Вăрманти йывăçсен тĕсĕсене çĕнетес, вĕсен çирĕплĕхне ÿстерес тата вĕсене пăхас тĕллевпе 2018 çулта 4,4 пин га вăрман каснă, вĕсенчен 1,4 пин гектарне – çутă кĕртес тата тасатас, 1,1 пин гектарне – сайралатас, 1,8 пин гектарне витĕр иртмелле тăвас тĕллевпе.

Вăрмансене упраса хăварас тĕлĕшпе мерăсем йышăннă пулин те, иртнĕ çул 120 га йывăç-тĕм пĕтнĕ, вăл шутран 66 гектарĕ хурт-кăпшанкăсем сиенленипе, 28 гектарĕ – чирлесе, 26 гектарĕ – çанталăк условийĕсене пула.

Вăрман пурлăхне сыхласа хăварасси тата ÿстересси ку служба ĕçченĕсенчен нумай килет. 2018 çулта республикăра ку тытăмра 641 çын тимлени паллă.

Вăрман – наци пуянлăхĕ, çĕр илемĕ, экологи тăнăçлăхĕн тата халăх сывлăхĕн никĕсĕ. Вăл хăйĕн пурлăхне хĕрхенмесĕр парать, промышленноçра тата йăлара пулăшать.

Светлана ЧИКМЯКОВА.

Добавить комментарий

Яндекс.Новости

АРХИВ МАТЕРИАЛОВ

Август 2020
Пн Вт Ср Чт Пт Сб Вс
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

КАЛЕНДАРЬ ПРАЗДНИКОВ