Кăçалхи январĕн 1-мĕшĕнчен Раççейре «Земство учителĕ» программа вăя кĕнĕ.

Çавна май яла ĕçлеме каякан учительсене 1 млн тенкĕ парса хавхалантараççĕ. Çак шута хула евĕрлĕ поселоксем, 50 пинрен сахалрах çын пурăнакан хуласем те кĕреççĕ. Пĕр хутчен паракан компенсацие 55 çула çитмен учительсем тивĕçеççĕ. Заявкăсене апрелĕн 15-мĕшĕччен йышăнаççĕ. Конкурс çĕнтерÿçисене ятарлă комисси палăртать. Яла ĕçлеме кайнă учителĕн палăртнă вырăнта 5 çул ĕçлемелле.