ПОСЛЕДНИЕ КОММЕНТАРИИ

Ĕçлĕ тĕлпулу

Категория: ПУБЛИКАЦИИ Опубликовано: 22.02.2020 16:58 Просмотров: 60

Кÿлхĕрри ялĕнче иртнĕ отчетлă пухура Калинино ял поселенийĕн пуçлăхĕ Алина Константинова пĕлтĕр мĕнле ĕçсем туса ирттерни çинчен тĕплĕн каласа пачĕ.

Çитменлĕхсем пирки чарăнса тăчĕ тата кăçал пурнăçламалли задачăсемпе паллаштарчĕ.

Кÿлхĕрринче пурăнакансем ял витĕр тухакан аслă çулпа машинăсем хăвăрт çÿренĕрен аварисем пулни тата выльăхсене çапса хăварни çинчен пăшăрханса пĕлтерчĕç. Çавна май хушма çул-йĕр паллисене лартма ыйтрĕç.

Поселенинчи пушар машинине тытса тăма кашни хуçалăхран 350 тенкĕ пухма килĕшрĕç.

Пухăва район администрацийĕн пуçлăхĕн пĕрремĕш заместителĕ – ял хуçалăхĕпе экологи пайĕн пуçлăхĕ Вячеслав Горбунов, архив заведующийĕ Лилия Тихонова, Пенси фончĕн ĕçченĕ Людмила Редькова, налук инспекцийĕн инспекторĕ Александр Артемьев, полицин участокри уполномоченнăйĕ Руслан Гафуров хутшăнчĕç. Вĕсем те хăйсен ĕçĕ-хĕлĕпе паллаштарчĕç тата тĕрлĕрен çăмăллăхсемпе усă курма май пурри çинчен ăнлантарчĕç.

Ял халăхĕ пухупа кăмăллă юлчĕ. Хăмăшри культура çурчĕн пултарулăх ушкăнĕ ял çыннисене концертпа савăнтарчĕ.

Маргарита СЕРГЕЕВА.

Добавить комментарий

Яндекс.Новости

АРХИВ МАТЕРИАЛОВ

Март 2020
Пн Вт Ср Чт Пт Сб Вс
24 25 26 27 28 29 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

КАЛЕНДАРЬ ПРАЗДНИКОВ