ПОСЛЕДНИЕ КОММЕНТАРИИ

Çивĕч ыйтусемпе

Категория: ПУБЛИКАЦИИ Опубликовано: 04.03.2020 11:38 Просмотров: 53

Февралĕн 27-мĕшĕнче Чăваш ен Пуçлăхĕн тивĕçĕсене вăхăтлăх пурнăçлакан Олег Николаев ертсе пынипе Терроризма хирĕçле комиссин ларăвĕ иртнĕ.

Унта ĕç тăвакан влаç органĕсем ку хăрушă пулăма асăрхаттарассипе пĕлтĕр пурнăçланă ĕç-хĕле тишкернĕ. Çивĕч ыйтусене хускатнă май, Олег Николаев терроризм идеологине хирĕç тăрассине обществăлла организацисене явăçтарма сĕннĕ.

«Сăмахран, Ашшĕсен канашĕ, Хĕрарăмсен союзĕ усăллă тата кирлĕ мероприятисене пĕрле чылай ирттереççĕ. Çарпа патриотла пĕрлешÿсем ку процеса хастар хутшăнма пултараççĕ. Организацисем мĕн чухлĕ нумайрах, кăтартусем çавăн чухлĕ лайăхрах пулĕç», – палăртнă Олег Николаев.

Комисси членĕсем вĕрентÿ тата суту-илÿ объекчĕсен антитеррорла хÿтлĕхне тивĕçтересси пирки уйрăммăн калаçнă. Регион ертÿçи муниципаллă пĕрлĕхсенчи объектсен хăрушсăрлăх паспорчĕсене кĕске вăхăтра çирĕплетсе пĕтерме хушнă. Çакă хÿтĕлев мерисене пурнăçлама хывмалли укçа-тенкĕ калăпăшне хаклама пулăшĕ, тенĕ.

Вĕрентÿ учрежденийĕсенчи пропуск йĕрки тата талăклăх хурал ыйтăвĕ çивĕч. О.Николаев вĕсенче хăрушсăрлăхăн цифра системисене ĕçе кĕртме, пĕрлехи оперативлă центр туса хума сĕнĕве тишкерĕве кăларнă.

И.ПЕТРОВА.

Добавить комментарий

Яндекс.Новости

АРХИВ МАТЕРИАЛОВ

Июль 2020
Пн Вт Ср Чт Пт Сб Вс
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

КАЛЕНДАРЬ ПРАЗДНИКОВ