Вырсарникун йĕлтĕрпе темиçе тапхăрта чупас республика ăмăртăвне Вăрнар районĕн икĕ спортсменĕ хутшăннă.

Марафон дистанцине Чăваш енри, Мари Элти тата Чулхула облаçĕнчи 140 йĕлтĕрçĕ тухнă. Арçынсем 30 км, хĕрарăмсем 15 км чупнă. Пирĕн спортсменсем – Мăньял Хапăсри Владимир Тикинев тата Шăхальти Ирина Петрова – хăйсен ÿсĕмĕнче иккĕшĕ те финиша 1-мĕш çитнĕ. Халĕ вĕсем ăмăртăвăн ытти старчĕсене хатĕрленеççĕ. Чупусем çывăх вăхăтра Шупашкарта тата Канашра иртмелле.

Светлана ЧИКМЯКОВА.