Вăрттăн усă курнă

Категория: ПУБЛИКАЦИИ Опубликовано: 13.05.2020, 10:42 Просмотров: 249

Районти икĕ çынна – пĕрне ятарлă техника хатĕрне саккунсăр майпа сутнăшăн тата теприне туяннăшăн – айăплав тăратнă. Ку хатĕрсем вара вăрттăн информаци илес тĕллевпе хатĕрленĕскерсем.

Çак 45-ри тата 27-ри арçынсем тĕлĕшпе Следстви комитечĕн республикăри следстви органĕсем уголовлă ĕç пуçарнă ĕнтĕ. Вĕсене РФ Уголовлă кодексĕн 138.1-мĕш статйинче палăртнă преступление тунă тесе шутлаççĕ.

Следстви версийĕ тăрăх, вăрттăн суту-илÿ пĕлтĕрхи декабрĕн 11-мĕшĕнче пулса иртнĕ. «Вăрнарта 45-ри арçын 27-рине тÿме евĕр пĕчĕк видеокамера тата аякран итлеме май паракан пĕчĕк микрофон сутнă. Киревсĕр ĕç тăвакансем малтанах калаçса татăлнă% техника хатĕрне туянакана вăхăтлăх усă курма панă. Анчах кайран унăн тулли хакне, 30000 тенкĕ, тÿлесе татмалла. 27-ри арçынна вара ку вăрттăн япала çав тери кирлĕ пулнă-мĕн. Унпа вăл полицин «Шумерлинский» пайĕн ГИБДД уйрăмĕн РЭГ-ĕнче экзамен тытнă чух усă курнă иккен. Анчах йĕрке хуралçисем çакна тупса палăртнă», – пĕлтерет Следстви комитечĕн республикăри следстви управленийĕн пресс-служби.

Уголовлă ĕç тишкерĕвĕ малалла пырать. Йĕркене пăснă çак тĕслĕхе республикăри следстви управленийĕн тата Шалти ĕçсен Чăваш енри министерствин сотрудникĕсем пĕрле оперативлă тимленипе тупса палăртнă.

Добавить комментарий

АРХИВ МАТЕРИАЛОВ

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ

Яндекс.Метрика