Кăсăклă ĕç авăрĕнче

Категория: ПУБЛИКАЦИИ Опубликовано: 08.07.2020 09:05 Просмотров: 176

Вăрнарти историпе краеведени музейĕнче усал-тĕселрен сыхлакан пукане – Йĕрĕх – çĕлессипе заняти иртнĕ.

Ăна халăх маçтăрĕ Надежда Андреева тата унăн вĕренекенĕсем – Çĕрпелти вăтам шкулти Ангелина Крипчакова, Мария Андреева тата Ульяна Манзуркина ирттернĕ. Видеоурок режимĕпе мастер-класа социаллă сетьсенче пăхма пулать.

Йĕрĕх чăвашсен вĕрÿ-суру чĕлхинче курăнать. Вăл çынсем çине чир яракан усал сывлăш шутланнă. Çынсем чиртен хăраса ун кÿлепине тума тытăннă. 

Ленинградри этнографи музейĕн коллекцийĕнче çакнашкал 30 фигурка упранать: 22-шне татăкран çĕленĕ, 8-шне гипсран е тăмран ăсталанă. Унсăр пуçне вĕрÿ-суру савăчĕсем, усал сывлăша чĕрĕ чун кÿмелли тĕрлĕ хатĕрсем. Чăвашсен вĕрÿ-суру ĕненĕвне тĕпчекен Венгри ученăйĕ Дюла Месареш хĕрарăм сăнĕллĕ йĕрĕхсем ытларах тĕл пулнине палăртнă.

Добавить комментарий

Яндекс.Новости

АРХИВ МАТЕРИАЛОВ

Август 2020
Пн Вт Ср Чт Пт Сб Вс
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

КАЛЕНДАРЬ ПРАЗДНИКОВ