РЕКЛАМА И ОБЪЯВЛЕНИЯ

Уважаемые посетители! Вы можете разместить вашу рекламу, объявления на нашем официальном сайте! Подробнее - по тел. 2-52-57, 89373722600

Ăнлантарни вырăнлă

Категория: ПУБЛИКАЦИИ Опубликовано: 17.10.2020 13:15 Просмотров: 110

Ача-пăча аманса суранланасси нумай чухне кантăк ванчăкĕсемпе, туратсемпе ал-урана кастарассипе, шăрпăк кĕрсе ларнипе, велосипедпа, самокатсемпе, чуччу-карусельпе ярăннă чухне аманнипе çыхăннă.

Çĕртен кăнтарса тăракан тимĕр япаласем, тункатасем, çул çинчи путăксем те хăрушлăх кăлараççĕ.

Килте ачасем вĕри плитаран, апат-çимĕçрен, утюгран, уçă çулăмран, электроприборсенчен пиçсе кайма пултараççĕ. Тепĕр чухне кравать е ытти çÿллĕ çĕртен ÿкни те инкек патне илсе çитерет. Вĕтĕ шăрçасене, тÿмесене, гайкăсене çăтса яни тĕл пулать. Çăвакан шĕвексене, отбеливательсене, йăлари ытти хими япалисене кĕçĕннисенчен аяккарах тытни вырăнлă.

Ачасене кантăк ванчăкĕсем тытассинчен асăрханма вĕрентмелле, мĕншĕн тесен унпа суранланни юна микробсем ертет. Çĕçĕсем, лезвисем, хачăсем вĕсем тытмалла мар çĕрте выртмалла.

Медикаментсене, кислотасене, наркăмăшлă ытти сиенсене апат-çимĕç кĕленчисенче усрани те инкек патне çитерме пултарать – вĕсем ку япаласене ăнсăртран ĕçме пултараççĕ. Аслисем валли кăларнă эмелсем ачашăн питех те хăрушă.

Электророзеткăсене пÿрнесене е мĕнле те пулин япала чикни те хытах суранлатма е вĕлерме пултарать.

Чи пысăк хăрушлăх – çулсем. Çавăнпа та урамра ачасене асăрхавсăр хăварма юрамасть, çул-йĕр правилисене астутарсах тăмалла. Велосипедпа, роликлă конькисемпе ярăннă чухне те тимлĕх кирлĕ – ачасем автомобиль çулĕсем çывăхĕнче ан ярăнччăр.

Физкультура упражненийĕсене тунă чухне те асăрхануллă пулмалла. Паллах, ачасем инкеке лекни нумай чухне вĕсен пысăк хускаласлăхĕпе, темĕн те пĕр пĕлес килнипе, опытсăррипе, çавăнпа та хăрас туйăм çуккипе çыхăннă.

Аслисен пулма пултаракан инкексем пирки асăрхаттарсах, ачасене вĕсенчен сыхласах тăмалла.

Кун пек чухне вĕсене хăратмалла мар, пачах урăхла – харпăр хăйне тĕрĕс тытсан хăрушлăха сирме пулнине ăнлантармалла.

Елена МИНАЕВА,

район тĕп больницин медицина психологĕ.

Добавить комментарий

Яндекс.Новости

АРХИВ МАТЕРИАЛОВ

Ноябрь 2020
Пн Вт Ср Чт Пт Сб Вс
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

КАЛЕНДАРЬ ПРАЗДНИКОВ