Чи хаклă пуянлăх – сывлăх. Чĕлĕм туртнипе çыхăннă чир-чĕре пула тĕнчере çулталăкра 5 миллион çын вăхăтсăр çĕре кĕрет, Раççейре 500 пин ытла çын пурнăçран уйрăлать.

Районти культура учрежденийĕсенче профилактика мероприятийĕсем ирттерессине пысăк тимлĕх уйăраççĕ. Акă, нумаях пулмасть Санарпуçĕнчи культура çуртĕнче пирус сиенĕ пирки çамрăксемпе сывлăх сехечĕ ирттернĕ.

Никотин организма хытах хавшатать. Сывлăх сехечĕ вăхăтĕнче сиенлĕ йăлапа кĕрешмелли мерăсем пирки те калаçнă. Мероприяти вĕçленсен яшсемпе хĕрсене «Пирус туртма пăрах» ятлă буклетсем парнеленĕ.

Елена ПОРФИРЬЕВА.

Чăваш Республикин Цифра аталанăвĕпе информаци политикин тата массăллă коммуникацисен министерстви пулăшнипе пичетленнĕ.