Сăр тата Хусан енче окоп чавма хутшăннисен паттăрлăхне асра тытса лартма сĕннĕ монумент проекчĕсен конкурсне нарăсăн 15-мĕшĕнче пĕтĕмлетĕç.
Çак палăка Тăван çĕршывăн Аслă вăрçи пуçлансан тылра тăрăшнă тата окоп чавнă çынсене халаллĕç. Куславкка районĕнчи Аслă Куснар ялĕнчен инçе мар М-7 трассăран пăрăннă çĕрте вырнаçтарĕç ăна. Чăваш ен Пуçлăхĕ Олег Николаев Инстаграмри страницинче палăртнă тăрăх, Сăр тата Хусан хÿтĕлев чиккисене тунă çынсене халалланă çулталăкра чылай мероприяти иртĕ: «çавра сĕтелсем», документлă материалсене пухĕç, кĕнекесем кăларĕç.
