Тимлĕхе çухатма юрамасть

Категория: ПУБЛИКАЦИИ Опубликовано: 16.12.2017, 16:00 Просмотров: 352

Эрне пуçламăшĕнче районта çулăмпа çыхăннă инкексем тÿрех иккĕ пулнă. Раççей МЧС-ĕн республикăри тĕп управленийĕн информацийĕ тăрăх, пĕрремĕшĕнче Уйкас Кипек ялĕнче пурăнакан 54-ри арçыннăн килĕнче пушар тухнă. Çуртра çулăм хыпса илни çинчен пушар хуралне пĕлтерÿ юнкун 4 сехетре çитнĕ. «Хĕрлĕ автан» пÿрте сиенлетнĕ тата йывăç верандăна тĕп тунă. Малтанхи тĕрĕслевсен кăтартăвĕсем тăрăх, инкек сăлтавĕ асăрханусăрлăх пулма пултарать.

Унччен маларах, декабрĕн 11-мĕшĕнче, поселокри икĕ хутлă нумай хваттерлĕ çуртра çăлавçăсен ĕçлеме тивнĕ. 14 сехет тĕлĕнче А.Иванов урамĕнчи çуртра пĕр хваттерĕн алăкĕ çунма тытăннă мĕн. Çунăк шăрши кĕнине туйса илсе, 90-ри ватă çын пулăшу службине хăех чĕнсе илнĕ. Çулăма хăвăртах сÿнтерме май килнĕ. Телее, ватă çын шар курман.

Раççей МЧС-ĕн республикăри управленийĕ асăрхаттарать: çулăм пысăк инкек кăларма пултарать, никама шеллемест. Çавна май кил-хуçалăхра яланах хăрушсăрлăх правилисене пăхăнни кирлĕ. Хĕллехи вăхăтра газ тата электроприборсемпе ытларах усă курнă пирки тимлĕхе уйрăмах вăйлатмалла.

И.ПЕТРОВА.

Добавить комментарий

Яндекс.Новости

АРХИВ МАТЕРИАЛОВ

Август 2022
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

КАЛЕНДАРЬ ПРАЗДНИКОВ

Яндекс.Метрика