Мускавра иртнĕ Пĕтĕм Раççейри «Ылтăн кĕркунне» агропромышленность куравĕнче «Вăрнарти аш-какай комбиначĕ» акционерла обществăн продукцийĕ яланхиллех пысăк хака тивĕçнĕ.

Ĕне тата сысна ашĕсен консервисем, чĕрĕлле тĕтĕмленĕ «Салями Дольче Вита», «К пиву» кăлпассисем, «Венская» ветчина, «Особенные» сосискăсем, «Российский» сервелат, пĕçернĕ «Докторская» кăлпасси, «Вурнарский» шăрттан «ылтăнсем» илнĕ. «Прима» кăлпассие кĕмĕл медальпе хакланă.

Чăваш ен аграрийĕсен продукцийĕсем конкурсра пуринчен ытла палăрнă, пĕтĕмпе 71 медаль çĕнсе илнĕ.