Çапла пĕлтерчĕç «Огонек» ресторанта тимлекенсем пĕр шухăшлăн

«Клиентсен иккĕленÿ ан çуралтăр терĕмĕр, нумайăшĕ шутлама пултарать-çке: вакцинациленнĕ-ши апат пĕçерекенсем е çук. Халĕ вĕсем пирĕн ресторана хăрамасăрах килме пултараççĕ. Меню пуян та сывлăхшăн пахалăхлă çеç мар, вĕсене апатланупа санитари нормисене пăхăнса тивĕçтеретпĕр», – терĕç вĕсем.

Сăмах май, Чăваш ен Пуçлăхĕн Олег Николаевăн Указне пурнăçласа «Огонек» ресторанта QR-код системине тест режимĕпе чи малтан тĕрĕслерĕç.

Паянхи кун лару-тăрăвне кура коллектив халăха меллĕ пултăр тесе те тăрăшать – клиентсен заказĕпе апата илсе тухса памалла та хатĕрлеççĕ.

Роспотребнадзорăн Чăваш енри управленийĕн йышăнăвне те тÿрех пăхăнчĕç – ушкăнпах вакцинаци тутарчĕç.