Нумаях пулмасть Владимир Свешников Вăрнар тăрăхĕн пултаруллă та хастар çамрăкĕпе Никита Масловпа тĕл пулнă.

Кăçал Вăрнарти 1-мĕш шкултан вĕренсе тухнăскер, халĕ вăл – Мускаври патшалăх университечĕн физика факультечĕн студенчĕ. Владимир Васильевич ăна Раççейри чи сумлă аслă шкулсенчен пĕринче пĕлÿ пухма тивĕçнĕ ятпа саламланă, вĕренÿре малашне те пысăк çитĕнÿсем суннă.

Ку Владимир Свешниковпа Никитăн пĕрремĕш тĕлпулăвĕ мар. Вĕсем кăçалхи çуркунне, Никита Мускаври физикăпа техника институчĕн олимпиадинче призлă вырăн йышăннă хыççăн, паллашнăччĕ. Ку вĕренÿ заведенийĕнче илнĕ профессилле пĕлÿ Владимир Васильевича хăйне те пурнăçра çитĕнÿсем тума çул уçса панă.

Никита ултă ачаллă çемьере çитĕннĕ, вăл – чи асли.