Финалта тупăшĕç

Категория: ПУБЛИКАЦИИ Опубликовано: 14.05.2022, 11:35 Просмотров: 683

Республикăри «Неопалимая купина» конкурса кăçал пĕтĕмпе 520 ĕç тăратнă – пурте район-хула тапхăрĕн çĕнтерÿçисем.

Кашни ĕç хăйнеевĕрлĕ пулнине палăртать жюри: вĕсенче авторĕсем пушартан сыхланас ыйтăва çивĕч çутатнă тата вут-çулăм хăрушсăрлăхне кăтартнă, çавăн пекех пушарпа кĕрешекенсен хăюлăхĕпе хастарлăхне те сăнланă. Кăçал конкурса Пĕтĕм Раççейри ирĕклĕ пушар обществине туса хунăранпа 130 çул çитнине халалланă.

«Декоративлă-прикладной пултарулăх» номинацире, акă, Калининăри «Светлячок» тата Вăрнарти «Ручеек» ача сачĕсен воспитанникĕсен Александра Волковапа Степан Фоминăн, Вăрнарти 2-мĕш тата Кÿстÿмĕр шкулĕсенче вĕренекен Кирилл Волковпа Виолетта Ирикован алĕçĕсем тивĕçлипе пĕрремĕш вырăн йышăннă.

«Илемлĕ ÿнер пултарулăхĕ» номинацире вара çĕнтерÿçĕсем пиллĕкĕн% Валерия Петрова («Умничка» клуб), Дарья Тимофеева (ача-пăча пултарулăх çурчĕ), Кристина Ерлыгина тата Виктория Павлова (Кÿстÿмĕрти тата Ярмушкари шкулсем), Петр Елимов (Калининăри шкул-интернат).

Çавăн пекех «Пултарулăхăн техника тĕсĕсенче» Кÿстÿмĕрти шкулта вĕренекен Егор Ерлыгинăн ăста ĕçĕ те чи лайăххисен йышне кĕнĕ.

Çĕнтерÿçĕсемшĕн ăмăрту вĕçленмен-ха. Малалла вĕсем Раççейри финалта мала тухассишĕн тупăшĕç.

Ирина ЯКОВЛЕВА.

Добавить комментарий

АРХИВ МАТЕРИАЛОВ

Июль 2024
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

КАЛЕНДАРЬ ПРАЗДНИКОВ

Яндекс.Метрика