Вăрнар район прокуратури «Знамя» ял хуçалăх производство кооперативĕнче ĕç тÿлевĕн саккунĕсене мĕнле пурнăçланине тĕрĕсленĕ.

Палăртнă тăрăх, предприяти ĕçрен хăтарнă работнике 10000 тенкĕ тÿлесе татман. Кунсăр пуçне, тĕрĕслев вăхăтĕнче «Знамя» хуçалăхра ĕç укçи тĕлĕшпе 14 çын умĕнче 82117 тенкĕ парăм пулнă.

Работниксен ĕç прависене хÿтелесе район прокурорĕ предприяти ертÿçи ячĕпе представлени янă. Çакăнпа пĕрлех ун тĕлĕшпе административлă ĕç те пуçарнă. Материалсене ЧР Патшалăх ĕç инспекцине пăхса тухма ярса панă.

Прокурор тĕрĕслевĕсем хыççăн ĕç укçин парăмĕсене мĕнпур ĕçлекене туллин тÿлесе татнă. 

Л.СПИРИДОНОВА,

Вăрнар район прокурорĕн помощникĕ юстици кĕçĕн советникĕ.