Районсем хушшинчи çутçанталăка сыхлассипе тимлекен Шупашкарти прокуратура аса илтерет: Раççей гражданĕсене уйрăм субъектсенчи тата пĕтĕмĕшле çĕршыври преступноç шайĕ çинчен информаципе тивĕçтерес тĕллевпе РФ Тĕп прокуратури http://crimestat.ru информаципе аналитика порталне йĕркелесе янă. Кунти информаци обществăлла организацисемшĕн, массăллă информаци хатĕрĕсен тата бизнес представителĕсемшĕн, патшалăх влаç органĕсемшĕн усăллă.

Портала «Раççей Федерацийĕн прокуратури çинчен» федераллă саккуна пурнăçласа, право статистикин автоматизациленĕ патшалăх системине тăвас йĕркепе хатĕрленĕ. Ку системăн тĕп тĕллевĕ – право статистикин уççăнлăхне, тĕрĕслĕхне тата туллинлĕхне тивĕçтересси. Портал патшалăх статистика отчетлăхĕн кăтартăвĕсене тата халăхсем хушшинчи организацисен даннăйĕсене тишкерет.