Пушар хăрушсăрлăхĕ енĕпе «Неопалимая купина» конкурс пирĕн округра яланах активлă иртет. Ачасене питĕкăмăла кайрĕ вăл. Миçе çул ĕнтĕ, кашнинчех пĕчĕккисем те, аслăраххисем те унта хăйсен пултарулăхне, алăсталăхне хаваспах кăтартаççĕ. Кам ÿкерме юратать, кама тĕрлĕ япаласем маçтăрлама килĕштерет, тепри тата йывăç çинче «çунтарса» илемлĕ тĕрлет... - конкурса кирек мĕнле материалтан, хăть мĕнле техникăпа тунă пултарулăх ĕçне тăратма юрать.

Çав вăхăтрах ку конкурсăн асăрхаттару пĕлтерĕшĕ те пысăк. Пултарулăх ĕçĕсене хатĕрленĕ май ачасем вут-çулăм сиенĕ пирки ытларах пĕлеççĕ тата унран хÿтĕленме вĕренеççĕ, пушар хăрушсăрлăхĕн правилисене аса илеççĕ, пушар сÿнтерекенсемпе çăлавçăсен хăюллă ĕçĕпе те кăсăклансах интересленеççĕ.

Тĕплĕнрех хаçатра

Ирина ЯКОВЛЕВА