Чăваш Республикинче кашни округрах кассăра банк карттипе тÿленĕчухне хут укçа алла илме май пур. Ку аякри тата сахал çын пурăнакан ялсемшĕн уйрăмах меллĕ. «Наличные на кассе» сервис пирки маларах сутуçăран е кассиртан ыйтса пĕлмелле. Вĕсен туянакана кирлĕ укçа-тенкĕ кассăра пуррипе-çуккине те шута илмелле. Банк карттипе тÿленĕ чухне чека алла памалли укçа-тенке те шута кĕртеççĕ. Уйăхне карттăран 30 пин тенкĕ таран илме пулать. Кунне 5 пин тенкĕрен ытлашши мар. Паянхи кун çак сервиспа ялсенчи 156 лавкка усă кураяççĕ. Пĕтĕмпе проекта Чăваш енри 370 суту-илÿ организацийĕ хутшăнать, вĕсен хушшинче пысăк супермаркет сечĕсем те, пысăках мар магазинсем тата автозаправка станцийĕсем пур. Вĕсенчен 40% ытла яллă тăрăхра вырнаçнă.