Юлашки сакăр уйăхра Чăваш Республикинчи 1100 çемье амăшĕн капиталĕпе усă курнă. Ку тĕллевпе пĕтĕмпе 128,9 млн тенкĕ уйăрнă.

Çемьесем ку укçа-тенкĕпе çапла усă курнă: 603 çемье пурăнмалли çурт-йĕр условийĕсене лайăхлатма - 111,5 млн тенкĕ* 322 çемье пĕр хутчен тÿлеве илнĕ - 6,4 млн тенкĕ* 157 çемье ачисене вĕрентнĕ çĕре янă - 7,3 млн тенкĕ* 19 çемье автомобиль туяннă - 3,7 млн тенкĕ. Программа ĕçлеме пуçланăранпа, 2012 çултан, патшалăх пулăшăвĕпе 17974 нумай ачаллă çемьене 1592,5 млн тенкĕлĕх тивĕçтернĕ. Республикăри амăшĕн капиталĕн виçи хальхи вăхăтра 200 пин тенкĕпе танлашать.