Ял хуçалăх организацийĕсем çĕрулмипе кукурузăна юлашки гектарсем çинчен пухса кĕртеççĕ. Район администрацийĕн пуçлăхĕ Леонид Николаев «Агрохмель» агрофирмăра пулнă, хуçалăх ĕçĕ-хĕлĕпе паллашнă. «Иккĕмĕш çăкăр» лаптăкĕ 60 гектар йышăннă. Хальхи вăхăтра çĕрулмине юлашки гектарсем çинчен тăкаксăр пухса кĕртес тесе агрофирмăра хĕрÿ ĕç пырать. «Иккĕмĕш çăкăр» пуссинче тăрăшнăшăн укçи-тенкине çав куннех тÿлеççĕ. Çĕрулми пухма Йĕпреç районĕнчен те килеççĕ.

Тухăç аван. «Иккĕмĕш çăкăра» кашни гектартан вăтамран 250 центнер пухса илеççĕ.