Шупашкарта октябрĕн 28-мĕшĕнче Сăр тата Хусан хÿтĕлев рубежĕсене тунă çĕрте ĕçленисене халалласа «Строителям безмолвных рубежей...» астăвăм акцийĕ старт илĕ.

Çав кунтанпах оперăпа балет театрĕнче «Пурнăç» ятпа мультимедийлă экспозици ĕçлеме тытăнĕ. Вăл Тăван çĕршывăн Аслă вăрçин тĕп пулăмĕсем тата тылри халăхăн ĕç паттăрлăхĕ пирки каласа кăтартĕ.

Курава октябрĕн 28-мĕшĕнчен тытăнса ноябрĕн 6-мĕшĕччен çитсе курма пулать. Октябрĕн 29-мĕшĕнчен унта тĕп хулари шкул ачисем графикпа пырĕç. Октябрĕн 31-мĕшĕнче, ноябрĕн 1 тата 4-мĕшĕсенче ун алăкĕсем республикăра пурăнакансем валли уçăлĕç. Маларах çырăнма тивĕ.