Вăрнарти хутăш препаратсен завочĕн производстви палăрмаллах ÿснĕ. «Август» акционерлă обществăн филиалĕ 9 уйăхра ÿсентăрансене хими мелĕпе хÿтĕлекен препаратсене 16,6 пин тонна туса кăларнă.

Пĕлтĕрхи ку тапхăртинчен 32 процент ытларах. Продукцисен ытларах пайĕ – гербицидсем, вĕсен производстви 38 процент ÿснĕ, 13,2 пин тоннăпа танлашнă. Ăна туса кăларассипе заводра пысăк тоннажлă виçĕ цех ĕçлет.

Гербицидсен производствине, тĕсĕсене ÿстерни ял хуçалăх предприятийĕсем нульлĕ технологи – культурăсене çĕре сухаламасăр акни – çине куçнипе, ку препаратсене туянаслăхĕ ÿснипе те çыхăннă.

Дачăра, пахчара, килти хушма хуçалăхра усă курмалли препаратсен производстви те 12 процент ÿснĕ, пĕчĕк фасовкăпа вĕсене 9 уйăхра 1,7 пин тонна туса кăларнă. Полимерлă канистрăсене – 33, савăтсене, стакансемпе флаконсене 43 процент ытларах.

Людмила ИВАНОВА.