Вăрнар район спортсменĕсем кĕрхи сезона пысăк ăмăртусенчен пуçларĕç.

Ирĕклĕ майпа кĕрешекенсем, акă, эрне каялла Пĕтĕм Раççейри ăмăртăва хутшăннă. Сумлă турнир Смоленск хулинче иртнĕ.

Республика чысне районти пилĕк хĕр хÿтĕленĕ. Пуринчен ытла Хурăнсур Çармăс хĕрне Наталия Тихонована ăнăçнă. Хĕрÿ тупăшусенче çивĕчлĕхпе палăрса вăл бронза медале тивĕçнĕ.

Ун командăри тусĕсемшĕн те – ку ялти Эльвира Филипповашăн, Эльвира Яковлевашăн, Кÿстÿмĕрти Елена Петровашăн, Кивьял Хапăсри Лариса Михайловашăн – ку ăмăрту вĕрентÿллĕ пулнă. Вĕсем пьедестал çине çĕкленме тивĕçеймен пулин те, ăсталăха вăйлă спортсменсемпе кĕрешсе туптанă.

Светлана ЧИКМЯКОВА.