Иртнĕ эрнере районти коррупцие хирĕç тăрассипе тимлекен Канаш черетлĕ ларăва пухăннă. Ун ĕçне район прокуратурин, полицин «Вурнарский» пайĕн, ял-хула поселенийĕсен пуçлăхĕсем те хутшăннă.

Сывлăх сыхлавĕн тытăмĕнче коррупциллĕ преступленисене асăрхаттарассине тата тупса палăртассине мĕнле йĕркеленипе районти тĕп больницăн юрисконсульчĕ Сергей Флегентов паллаштарнă. Уйрăммăн илсен, вăл пациентсене хăйсен прависем тата тивĕçĕсем пирки ăнлантарни, больница ĕçĕ-хĕлĕн уççăнлăхĕ, медицина ĕç-хĕлĕн тĕрĕслевĕ, çамрăк специалистсен право культурин шайне ÿстерни тата ытти пирки каланă.

Район администрацийĕн сектор заведующийĕ Анна Хисамиева муниципаллă должноçсене йышăнакансем тупăш-тăкак тата пурлăх сведенийĕсене тăратнине пĕтĕмлетнĕ. Кун пирки мĕнпур информаци район, ял-хула поселенийĕсен администрацийĕсен сайчĕсенче пур.

Коррупциллĕ пулăмсене сирессипе вырăнта мĕнле мерăсем йышăнни çинчен çавăн пекех Аçăмçырми, Вăрманкас, Çĕрпел ял поселенийĕсен пуçлăхĕсем тухса каланă.

Хамăр инф.