Паянхи кун Сосновски пултранĕпе кĕрешес ыйту çĕршывĕпех çивĕч тăрать. Чылай регионта сиенлĕ ку ÿсентăран пиншер гектара çавăрса илнĕ.

Ку амакран хăтăлма май пуррине «Август» компани çирĕплетет. Вăл Мускав облаçĕнчи Можайск хула округĕн территорийĕнче гербицидсемпе усă курса пултрана пĕтерессипе демонстрацилле опыт ирттернĕ. Компани туса кăларакан препаратсен растворĕсем чаплă результатсем кăтартнă: вĕсемпе усă курнă территорин пысăк пайĕнче хăрушă çумкурăкăн хунавĕсем пĕтнĕ.

«Август» компанин индустри тĕллевĕллĕ гербицидсен пайĕн специалисчĕсем тĕрлĕ енлĕ препаратсен хутăшĕсем сиенлĕ ÿсентăранпа мĕнле кĕрешме пултарнине кăтартма задача лартнă. Тĕпчев валли уйăрнă площадкăра çак имçамсен хутăшĕсемпе* опыт тунă:

1. «Торнадо 500», ВР (3,5) + «Магнум» (0,1) + «Аллюр», Ж (0,2) + «Сойлент».

2. «Торнадо 500», ВР (3,5) + «Горгон» (3,0) + «Магнум» (0,05) + «Сойлент».

3. «Торнадо 540», ВР (3,0) + «Деймос» (2,5) Ç «Сойлент».

4. «Эурон», (0,2) + «Горгон» (2,5) + «Адью» (0,2).

5. «Эурон», (0,3) + «Торнадо 500» (2,5) + «Аллюр».

6. «Торнадо 540», ВР (3,0) + «Хакер» (0,2) + «Магнум» (0,05) + «Аллюр» + «Сойлент».

7. «Грейдер», ВГР (3,5) + «Сойлент».

«Эурон» тата «Грейдер» препаратсем пур хутăшсем ял хуçалăх çĕрĕсем валли мар, вĕсемпе чукун çул, автоçул е ЛЭП, газонефтепровод хÿтĕлев зонисенче усă кураççĕ. Вĕсен витĕмĕ икĕ çула тăсăлать, йывăç-тĕмсене ашкăрма май памасть.

Ĕç растворĕнче нумайăшĕнче «Торнадо» гербицид пур. Вăл çумкурăка кĕске вăхăтра тĕп тăвать, çав шутра – ÿссе кайнисене те.

Уйăхра опыт валли уйăрнă çичĕ лаптăкран улттăшĕнче гербицидсемпе имçамланă пултран ÿсме пăрахнă, пысăк пайĕ типсе ларнă, ытти хунавсен çулçисем сарăхса пĕтĕрĕннĕ. «Грейдерпа» усă курнă лаптăкра сиенлĕ ÿсентăран тĕсне улăштарнă, ÿсесси чакнă. Кунта кĕркунне тĕлне пĕр пултран та юлмĕ.

«Август» представителĕ Юрий Дьяконов пĕлтернĕ тăрăх, вăл е ку гербицидпа усă курнă чухне лаптăкăн малашлăх планĕсене те шута илмелле: енчен те ку территорисенче строительство е ял хуçалăх ĕçĕсем ирттерме палăртмаççĕ-тĕк, ку хутăшсем пултранпа кĕрешмелли чи лайăх вариант шутланаççĕ.

*Препаратсен дозине вĕсен формине кура килогрампа тата литрпа шутланă.