Кăçалхи апрельте çĕршыв Президенчĕ Владимир Путин Федерациьн Пухăвне янă Çырăвĕнче сахал тупăшлă çемьесене пулăшасси çинчен пĕлтернĕччĕ.

Çĕнĕ тÿлевсене илесси çемье тупăшĕнчен килет. Вăтам тупăш кашни çын пуçне регионта палăртнă пурăнмалли чи пĕчĕк виçерен пысăк пулмалла мар (9804 тенкĕ).

Çĕнĕ тÿлевсене тивĕçме пултаракансем^

8–16 çулсенчи ачасене пĕччен çитĕнтерекен, суд йышăнăвĕпе алимент илекен ашшĕ е амăшĕ тата çемьесенче ашшĕ е амăшĕ çук ачасем, тăлăх ачасем;

пĕчĕк срокра (6 эрнерен пуçласа 12 эрнеччен) врач патĕнче учета тăнă, пепке кĕтекен хĕрарăмсем.

Тÿлевсен калăпăшĕ регионта йышăннă кашни çын пуçне тивекен пурăнмалли чи пĕчĕк виçерен килет, ун 50 процентне тÿлĕç. Чăваш енре вăл 9804 тенкĕпе танлашать. Çапла вара тулли мар çемьере ÿсекен кашни ачашăн уйăхне 4941 тенкĕ те 50 пус тÿлĕç, ача кĕтекен хĕрарăмсене – 5207 тенкĕ.

Заявленисене июлĕн 1-мĕшĕнчен Патшалăх тивĕçтерĕвĕсен порталĕ урлă е Раççей Пенси Фончĕн клиент службисенче пама пулать.

РФ Пенси фончĕн Чăваш Республикинчи уйрăмĕ.