2021 çул вĕçлениччен çĕршывра пĕрлехи Цифрăллă тĕпчев платформи (ЦТП) хута каять.

Ку платформăн тĕп тĕллевĕ – статистика даннăйĕсене пуçтарассине тата вĕсемпе усă курассине цифра формачĕпе çĕнĕлле йĕркелесси. Çак тытăм статистика шутне туса пыракан мĕнпур организацисене пĕрлештерет, унта патшалăх органĕсемпе бизнес та кĕрет.

Хальхи вăхăтра цифрăллă тĕпчев платформин тĕп компоненчĕсене хатĕрлесе çитернĕ. Вĕсем ведомствăсем хушшинчи çыхăнăва йĕркелеççĕ. Отчет паракан мĕнпур организаци пĕрлехи цифра тытăмĕнче пулать. Çакă даннăйсен пахалăхне ÿстерет, бизнес тиевне чакарать. Мĕншĕн тесен вĕсем статистикăна кăна отчет тăратаççĕ, ытти министерствăсемпе ведомствăсем пĕтĕм кăтартусене унтан илеççĕ.

Платформăн тĕп принципĕ – информацие мĕнле пуçтарнине, упранине, пĕтĕмлетнине уçăмлатасси. Шут ĕçĕсене пĕрешкел методологипе йĕркелени даннăйсем тĕрĕс те актуаллă пулнине çирĕплетеççĕ.

ЦТПна хута яни – Раççей статистикине цифра мелĕ çине куçарнин пĕр пайĕ. 2021 çулта Раççейре цифрăллă пĕрремĕш халăх çыравĕ иртет. Тĕп çĕнĕлĕхсенчен пĕри – ятарлă BI-платформа. Унта çырава мĕнле хатĕрленнине, ирттернине, пĕтĕмлетнине тĕрĕслесе тăма пулать. Раççей статистикине хальхи технологисем кĕртни специалистсемпе ытти усă куракансене çĕнĕ майсем туса парать.