Хура-шурă пăнчăллă, симĕс кăвак куçлă. Лăпкăскер, ачашскер. Кам пирки сăмах пырать-ши?

Тĕрĕс. Ку манăн юлташăм – Муркка кушак. Унпа выляма юрататпăр. Вăл мана итлет% «вырт» тесен выртать, «чуп» тесен чупать. Ăслă йытта аса илтерет. Мĕн пĕчĕкрен çапла хăнăхтарнă.

Юратнă тусăма тутлă апатпа сăйлатăп. Вăл «Вискас», кăлпасси, сĕт, хăйма юратать.

Мурккăна илемлĕ тум тăхăнтартатăп, тепĕр чух аннепе çĕлесе паратпăр. Кушак капăр çÿреме юратать.

Мурккăн чылай тус-тантăш. Вĕсем сунара çÿреççĕ, пĕрле шăши тытса çиеççĕ.

Апата ларсан Муркка аттепе иксĕмĕр хушшшине хирĕнсе кĕрсе ларать. Эпир пиллĕкĕн мар, улттăн пурăнатпăр. Пултăрах. Вăл та çемье членĕ пекех.

Мурккăна юрататпăр та, хаклатпăр та.

Елена Смирнова,

6-мĕш класс.