Октябрĕн 11-мĕшĕнченсоциаллă-культура сферин тата обществăлла апат-лану объекчĕсене çÿрессипе хушма чарусем кĕнĕ.

Чăваш ен Пуçлăхĕн Олег Николаевăн Указĕпе çак кунтан ку организацисене виçĕ документран – QR-код, вакцинациленнине ĕнентерекен сертификат е чирлесе ирттернĕренпе ултă уйăх çитменнине ĕнентерекен справка – пĕри пулсан çеç кĕртеççĕ.

Указпа килĕшÿллĕн, граждансене ковид тĕлĕшпе иммунитет пуррине тĕрĕслесе кĕртекен организацисен шутĕнче çаксем:

кинотеатрсем (кинозалсем), театрсем, театрпа концерт учрежденийĕсем тата çакăн евĕр организацисем;

СПА-салонсем, массаж салонĕсем, солярисем;

мунчасем, саунăсем тата кунашкал тивĕçтерÿ паракан ытти объектсем;

бассейнсем, фитнес-центрсем, физкультурăпа спортăн ытти объекчĕсем;

ресторансем, кафесем, столовăйсем, буфетсем, барсем, закусочнăйсем тата обществăлла апатланăвăн ытти предприятийĕсем.

Олег Николаев çак мерăсене мероприятисене чарас тĕллевпе мар, вĕсен хăрушсăрлăхне тивĕçтерме йышăннине палăртнă. Вĕсем вирус ерессине тата малашне те чарма çук сарăлассине чакарма тивĕç.