Ытти çĕрти пекех районта та масштаблă мероприяти – Пĕтĕм Раççейри халăх çыравĕ пуçланчĕ.

Малтанлăха палăртнă тăрăх, Вăрнар районĕнче 30163 çынна çырса тухмалла. Районта пурăнакансем çырав листисене МФЦ-ра та тултарма пултараççĕ, кунта вĕсене инструктор пулăшĕ.

Ку çыравăн çĕнĕлĕхĕ – кашниех анкетăна «Госуслуги» порталта тултарма пултарни. Ăна харпăр хăйшĕн те, тăванĕсемшĕн те çырма май пур. Ыйтусене хуравласа пĕтерсен цифрăллă код парĕç, ăна переписчика пĕлтермелле.

Пĕтĕмпе районта 55 çыравçă, тухса çÿрекен 9 контролер тата пĕр инструктор ĕçлĕ. Вĕсене ятарлă экипировка тăрăх паллама пулĕ. Çак кунсенче переписчиксем ятарлă вĕренĕве хутшăнаççĕ. Тунтикунран тытăнса килсем тăрăх ыйтăма тухаççĕ.

Хамăр инф.