Ял хĕрарăмĕ чăннипех маттур. Вăл пĕр вăхăтрах амăшĕ те, кил хуçи те, повар та, выльăх-чĕрлĕх пăхакан та, общество хастарĕ те. Тĕп тивĕç вара – кил вучахне çирĕп тытса пырасси, йăласене ăруран ăрăва куçарасси.

Шăпах çакăн пирки калаçнă та Хирпуçĕн хастарĕсем Пĕтĕм тĕнчери ял хĕрарăмĕсен кунне халалланă тĕлпулура. Вырăнти Хĕрарăмсен канашĕн председателĕ Надежда Михайлова тата Хирпуçĕнчи культура çурчĕн заведующийĕ Алина Илларионова пухăннисене саламланă.

Ял маттурĕсем «Ял хĕрарăмĕн ăсталăхĕ» курав та йĕркеленĕ. Унта вĕт шăрçаран тата алмаз тĕрринчен хатĕрленĕ ĕçсем вырăн тупнă.