«Август» Фирмăн «Вăрнарти хутăш препаратсен завочĕ» филиалĕн директорĕ Владимир Свешников Вăрнарти чиркÿ çумĕнчи Вырсарни шкулне çÿрекенсене пысăк савăнăç кÿнĕ.

Нумаях пулмасть вăл кунта хăнара пулнă, проектор парнеленĕ.

Чиркÿ настоятелĕ Александр атте предприяти ертÿçине, тивĕçĕсемпе ĕçĕсем нумай пулин те, ачасене тимлĕх уйăрнăшăн тата парнешĕн тав тунă.

«Проектор пулăшнипе вĕренÿ шкул воспитанникĕсемшĕн тата кăсăклăрах пулĕ», – тенĕ вăл. Вырсарни шкулĕ ачасене ăс-хакăл воспитанине парассипе, Христос тĕнĕн хаклăхĕсемпе культурине хывассипе ăнăçлă тимлет.