Коронавирус инфекцийĕпе кĕрешнĕ тапхăрта «Единая Россия» партин Пĕтĕм Раççейри «Пĕрлĕхлĕ Раççейĕн Çамрăк Гвардийĕ» обществăлла орга-низацийĕн районти уйрăмĕ халăха тата сыватмăшсене пулăшу кÿрсех тăрать.

Кĕçнерникун «Çамрăк Гвардин» регионри уйрăмĕн ертÿçи Андрей Шакулов, районти уйрăмĕн ертÿçин тивĕçĕсене пурнăçлакан Кристина Вазикова, «Единая Россия» партин Вăрнарти волонтерсен центрĕн пуçлăхĕ Денис Григорьев ырă ĕç турĕç, район тĕп больницине икĕ микроволновка тата бойлер парнелерĕç.

Медучреждени тĕп врачĕ Сергей Илюткин, больница коллективĕ «Çамрăк Гварди» представителĕсене пулăшушăн тав тăваççĕ. Эпидеми лару-тăрăвĕ чухне ырă ĕçрен пăрăнмалла мар, пурне те пулăшма тăрăшмалла.